Darmiyan sookhte darakhton ke, aaj jab nazar utha kar dekha toh kshitij par kahin door ek badal ka lihaf udta nazar aaya. Dagmagate kadam baarsih ki nirlajj boondon ko andekha kar badh chale, ki railing ke sahare tek lagayeinge aur oonchi imarton ko paani ke is taraf se samajhne ki koshish kareinge. mai chala, mere kadam badhe, par woh wahin reh gaya. Pehli baar nahi hua hai aisa, bahut baar peeche choot chuka hoon, is martaba baarish zor ki thi aur railing ki taraf badhti peeth zehen mein dar paida kar rahi thi. Hisse choddkar chal padna seerat na ban jaye kahin yeh dua har dar pe mang chuka hoon. Us adalat mein meri arzi pahunchti hi nahi aur jab bulayeinge tab yeh nahi dekheinge ki meri kitini koshishon ko unhone khud hi nazarandaz kar diya tha. Kaash mujhe sangeet ka gyan hota, kaash mai sur aur taal samajh sakta - kehte hain ki gaane wala apni rooh ka koi hissa chodd jata hai hamesha ke liye apni nazmo mein, kuch seekh leta ki har baar kam hote aap, kaise naye raaste tai kar lete hain ...................... mehfil-e-dard ke siva thikaane kaise mil jaate hain
Monday, December 25, 2006
Monday, December 11, 2006
Kafir ki Sangya
Mai shool nahi, pashan nahi, tarkash se nikala baan nahi
Mai tej nahi, abhiman nahi, mujhko bhasha ka gyan nahi
Mai bhoot nahi, mai yaad nahi, mai mrignayani ka aaj nahi
Mai karun vedna karte ... abhishapt yugon ka shrap nahi
Maine chaha tha man prasoon pulkit ho pehli kirno se
Maine chaha tha naav meri tar jaayein bhagwan charno se
Mai karm karoon, mai dhyan karoon, mai ras ka nav nirman karoon
Mai prem karoon, mai raag rachoo, mai sur ka nit - nit pan karoon
Mujhko vo kafir kehte hain, kehte hain mithya lobhi ho
Kanton se jhootha prem hai yeh, tum sarv karm sukh bhogi ho
Tum jhoothe chehre rakhte ho, jeevan ko manchit karte ho
Samidha ka dharan vesh kiye, tum chita prem ke jogi ho
Aisi aasha ka saath liye, na nikala tha jeevan path par
Aisa dveshlipt algaav liye, na natmastak tha tere dar par
Woh raah hi kuch aisi pakdi, woh ratein hi kuch kali thi
Tha takshshila ka rukh mera, kafir ki sangya pani thi
Tha takshshila ka rukh mera, kafir ki sangya pani thi
Jab parda girne wala hota hai, tab nepathya se jo sootradhar nikal kar aata hai use bhrankush kehte hain
Mai tej nahi, abhiman nahi, mujhko bhasha ka gyan nahi
Mai bhoot nahi, mai yaad nahi, mai mrignayani ka aaj nahi
Mai karun vedna karte ... abhishapt yugon ka shrap nahi
Maine chaha tha man prasoon pulkit ho pehli kirno se
Maine chaha tha naav meri tar jaayein bhagwan charno se
Mai karm karoon, mai dhyan karoon, mai ras ka nav nirman karoon
Mai prem karoon, mai raag rachoo, mai sur ka nit - nit pan karoon
Mujhko vo kafir kehte hain, kehte hain mithya lobhi ho
Kanton se jhootha prem hai yeh, tum sarv karm sukh bhogi ho
Tum jhoothe chehre rakhte ho, jeevan ko manchit karte ho
Samidha ka dharan vesh kiye, tum chita prem ke jogi ho
Aisi aasha ka saath liye, na nikala tha jeevan path par
Aisa dveshlipt algaav liye, na natmastak tha tere dar par
Woh raah hi kuch aisi pakdi, woh ratein hi kuch kali thi
Tha takshshila ka rukh mera, kafir ki sangya pani thi
Tha takshshila ka rukh mera, kafir ki sangya pani thi
Jab parda girne wala hota hai, tab nepathya se jo sootradhar nikal kar aata hai use bhrankush kehte hain
Monday, December 04, 2006
Peele Kagaz aur Chelpark ki Ink
Aaj ek aur dhaga toot gaya, kal ki kuch yadon ko tatola to paya ki kahin khalipan sa tha. Kya mujhe koshish karni chahiye unhe fir se dhoondhne ki ? Kya unka itna mahatvv hai, kya ve zaroori hain mere astitv ke liye, kya mai matr ek sangya hoon bina unke ? Aise kai sawal zehen mein uthe aur kisi gaane ke aakhiri hisse mein doobte sangeet ki tarah dheere dheere khamosh ho gaye. Par yeh sawal un yadon ki tarah nahi hain, har baar panapte hain jab bhi koi dhaga toot jata hai. Ek nirantar chalti kriya hai, par mai anbhigyata ka dikhava karta andhere mein badha chala jata hoon. Gyan nahi ki path kahan le ja rahe hain aur kitne hain. Kai musafir milte hain aur bichadte hain, halanqi ab khushi is baat ki hai ki andhere mein koi dikhta nahi, woh kiska sparsh tha, woh kiske shabd the, na yaad rakhne ka prayatn hai na hi mansha. Yeh tiraskar hai ya badalte parivesh ko apnane ki antim pehel, mujhe nahi maloom, par jeevan ka satya hai. Kabhi path pradarshak hua karte the, kabhi mai raushani ke aagosh mein hasta khelta chala karta tha, na jaane kab aur kaise dhalte sooraj ke safar ko mehsoos nahi kar paya, kab pahar badle, kab shaam aayi aur kab andhere mein pehla kadam rakhkha.... pata hi nahi chala. Jab dhyan diya tab dhage tootne lage the, khud ko dilasa dena seekh liya tha aur peele kagaz par chelpark ki ink zaya ki ja rahi thi.
Sunday, December 03, 2006
....nahi
Woh chamak nahi woh prem nahi, ankhon ki bichti sej nahi
More aanchal mein rang bhar de, aisa koi rangrej nahi
Aate the roz hi vyapari, shabdon ki bikvali karne
Kahin kriya nahi, ras-svad nahi, shabdon ka khilta mel nahi
Aahutiyan dene aate the, bam bole kehkar gate the
Aise bhi kapalik dekhe jinke shareer par ret nahi
Sanidhya tumhara milta gar, mai bhi shayad kuch likh leta
Ab manthan na ho pata hai, mera vaisa parivesh nahi
Kya tum kavitavli-sanrakshak ka patr ada kar paaoge
Mere haathon se le jaao, ab lagta hai yeh khel nahi
More aanchal mein rang bhar de, aisa koi rangrej nahi
Aate the roz hi vyapari, shabdon ki bikvali karne
Kahin kriya nahi, ras-svad nahi, shabdon ka khilta mel nahi
Aahutiyan dene aate the, bam bole kehkar gate the
Aise bhi kapalik dekhe jinke shareer par ret nahi
Sanidhya tumhara milta gar, mai bhi shayad kuch likh leta
Ab manthan na ho pata hai, mera vaisa parivesh nahi
Kya tum kavitavli-sanrakshak ka patr ada kar paaoge
Mere haathon se le jaao, ab lagta hai yeh khel nahi
Friday, November 17, 2006
Guroor Hota ....
Har lafz ko tarasha tune, har moti ko piroya
Har zazbe ko sambhala tune, har haar ko sanjoya
Kisi musafir se gairat ki ummeed bhi kar dali
Kisi bepanah hawa ko kabu karke bhi roya
Goya guroor hota to aaj sir chadh kar bolta
Tune to yahin paya hai aur yahin hai khoya
Har zazbe ko sambhala tune, har haar ko sanjoya
Kisi musafir se gairat ki ummeed bhi kar dali
Kisi bepanah hawa ko kabu karke bhi roya
Goya guroor hota to aaj sir chadh kar bolta
Tune to yahin paya hai aur yahin hai khoya
Tuesday, November 14, 2006
Khuda Ki Bhool
This was strictly meant for private circulation till he forced me to share -
Hai kahan ki himaat-e-marda jo tum se joojh le
Hai kahan woh pak-e-seerat jo yeh daman choom le
Tum kisi Gomukh ki Ganga, tum subah ka phool ho
Tum oss ka patte pe girna, Tum khuda ki bhool ho
Hai kahan ki himaat-e-marda jo tum se joojh le
Hai kahan woh pak-e-seerat jo yeh daman choom le
Tum kisi Gomukh ki Ganga, tum subah ka phool ho
Tum oss ka patte pe girna, Tum khuda ki bhool ho
Sunday, November 12, 2006
Zafarnama
In Hasraton se keh do, kahin aur ja basein
Itni jageh kahan hai dil-e-daghdar mein
Kitna hai badnaseeb Zafar dafan ke liye
Do gaz zameen bhi na mili koo-e-yaar mein
Under house arrest, so wrote Bahadur Shah Zafar.
Dilli se Burma tak zafar ke safar par ek koshish kisi oonchi imarat mein baithkar -
Aa Jamuna chal chalte hai, mujhe door bahut hai jana
Tere bahav mein dhalte hain, mujhe fir hai sheesh jhukana
Dekho yeh Taj ki parchayi, jab tumko yun choo leti hai
Mano Mumtaz ki thandi yaad, ek aayat si keh leti hai
Tum mil jaogi ganga mein, kho dogi apna naam vahan
Mai bebas sangam dekhoonga, dhoondhoonga koi saath naya
Shayad makool yahi hoga ki parchayi ke saath chaloon
Jhukte kandhe, dhalti shaamein, khali jamon ka vaar sahoon......
Kabhi kisi kavita ko beech mein choddna nahi chahiye, aap fir kitni bhi koshish kar lein, woh khayal aur woh alfazon ka roomanipan laut kar nahi aata. Aisa lagta hai ki kahin koi apna choot gaya aur ab haath badhane par uski yaadein bhi kasmasakar door ja rahi hain, mano aapse nafrat ho unko.
Itni jageh kahan hai dil-e-daghdar mein
Kitna hai badnaseeb Zafar dafan ke liye
Do gaz zameen bhi na mili koo-e-yaar mein
Under house arrest, so wrote Bahadur Shah Zafar.
Dilli se Burma tak zafar ke safar par ek koshish kisi oonchi imarat mein baithkar -
Aa Jamuna chal chalte hai, mujhe door bahut hai jana
Tere bahav mein dhalte hain, mujhe fir hai sheesh jhukana
Dekho yeh Taj ki parchayi, jab tumko yun choo leti hai
Mano Mumtaz ki thandi yaad, ek aayat si keh leti hai
Tum mil jaogi ganga mein, kho dogi apna naam vahan
Mai bebas sangam dekhoonga, dhoondhoonga koi saath naya
Shayad makool yahi hoga ki parchayi ke saath chaloon
Jhukte kandhe, dhalti shaamein, khali jamon ka vaar sahoon......
Kabhi kisi kavita ko beech mein choddna nahi chahiye, aap fir kitni bhi koshish kar lein, woh khayal aur woh alfazon ka roomanipan laut kar nahi aata. Aisa lagta hai ki kahin koi apna choot gaya aur ab haath badhane par uski yaadein bhi kasmasakar door ja rahi hain, mano aapse nafrat ho unko.
Saturday, October 28, 2006
Galiyare - II
Khala ka zikr kiya tha usne, shayad apne dabte uthte roomanipan se kuch bharne ki bezuban koshish kar raha tha woh, maine use yeh likhkar bhej diya -
Taqazaa tha, ki ek tasawwuf si tishnagi jage, teri tasveer ke tasawwur se Ki tere taabish ki taasir, meri taqdeer ka ek talkh tamasha bane Ki zamindoz kar doon, mai woh taz-o-takht, woh shabab-e-seerat Ki teri nazron ke paimane, khuda ki panah ka paigam bane
Across the pond she ruminates over what was and what could have been, she isn't happy with the idea of giving him the freedom which he had already taken for granted and then she asks, "why do you write like this?"
Insaan jab bhi kuch likhta hai to shayad dil mein ek chahat hoti hai - koi ise padhe sarahe aur mujhe sunae, istemal kare in shabdon ka jahan yeh uchit hon. Aap likh kaisa bhi sakte hain, ya to gulazzar ki tarah sadharan shabdon mein ek muqqamal peshkash, ya mir taqi mir ki tarah zubani nafast se bhari nazm. Kuch yaad a raha hai -
Logon ne itni oonchi imartein bana di hain charon aur, ki woh mere hisse ka sooraj bhi kha gaye
Haan to hum baat khala ki kar rahe the, khala kyon aur kaise panapti hai -
Mere zehen ke nazdeek ek aahat si hui
Mujhe laga ki tere jism mein harkat si hui
Hasin makbare pe muqammal sa ek sher padha
Meri hokar bhi aye rab khala meri na hui
Har ek koshish ko ba-izzat darkinar karke, woh mere saath hi rehti rahi talkh-e-yaar ban ke
goya jism ko dhakne ki zaroorat thi kahin, woh nachati hi rahi mujhko sharmsar kar ke
Kisi ne pooch liya to hum bezuban nikale, usne samjha liya unhe mujh pe akhtiyar kar ke
Shayad khalayein aisi hi hoti ho ya rab.........
Taqazaa tha, ki ek tasawwuf si tishnagi jage, teri tasveer ke tasawwur se Ki tere taabish ki taasir, meri taqdeer ka ek talkh tamasha bane Ki zamindoz kar doon, mai woh taz-o-takht, woh shabab-e-seerat Ki teri nazron ke paimane, khuda ki panah ka paigam bane
Across the pond she ruminates over what was and what could have been, she isn't happy with the idea of giving him the freedom which he had already taken for granted and then she asks, "why do you write like this?"
Insaan jab bhi kuch likhta hai to shayad dil mein ek chahat hoti hai - koi ise padhe sarahe aur mujhe sunae, istemal kare in shabdon ka jahan yeh uchit hon. Aap likh kaisa bhi sakte hain, ya to gulazzar ki tarah sadharan shabdon mein ek muqqamal peshkash, ya mir taqi mir ki tarah zubani nafast se bhari nazm. Kuch yaad a raha hai -
Logon ne itni oonchi imartein bana di hain charon aur, ki woh mere hisse ka sooraj bhi kha gaye
Haan to hum baat khala ki kar rahe the, khala kyon aur kaise panapti hai -
Mere zehen ke nazdeek ek aahat si hui
Mujhe laga ki tere jism mein harkat si hui
Hasin makbare pe muqammal sa ek sher padha
Meri hokar bhi aye rab khala meri na hui
Har ek koshish ko ba-izzat darkinar karke, woh mere saath hi rehti rahi talkh-e-yaar ban ke
goya jism ko dhakne ki zaroorat thi kahin, woh nachati hi rahi mujhko sharmsar kar ke
Kisi ne pooch liya to hum bezuban nikale, usne samjha liya unhe mujh pe akhtiyar kar ke
Shayad khalayein aisi hi hoti ho ya rab.........
Tuesday, October 24, 2006
Galiyare I
Nirantar mehsoos kar pana zindagi ke un lamho ko, jo aapke astitv ko ek mayane dete hain
Raat ke veerane mein ek kali nadi ke saamne sharmindagi se sir jhuka kar sadak kinare pade paththar ko dhakelte huye achanak muskura padna
Dariya ke us par raushani ki chakachoundh ko har roz dekh thoda sa ghabra jana, fir sambhalna aur khud ko dhandhas badhana
sadak par woh chirparichit gandagi dhoondhna - woh seedhiyon par paan ki peek aur gali ke mod par kareene se rakhkha koode ka dher
Yaad karna us pehle kalam ko jisne kavita likhne mein tumhara saath diya tha kayi saal
Gir gir kar uthna aur aansoo ki dabi boond ko apne ahankar ke neeche punah daba lena
Kaisi hai yeh khudai aur kaisi yeh narazgi - yeh khel khelna aur bandon ko pyade bana lena
Raat ke veerane mein ek kali nadi ke saamne sharmindagi se sir jhuka kar sadak kinare pade paththar ko dhakelte huye achanak muskura padna
Dariya ke us par raushani ki chakachoundh ko har roz dekh thoda sa ghabra jana, fir sambhalna aur khud ko dhandhas badhana
sadak par woh chirparichit gandagi dhoondhna - woh seedhiyon par paan ki peek aur gali ke mod par kareene se rakhkha koode ka dher
Yaad karna us pehle kalam ko jisne kavita likhne mein tumhara saath diya tha kayi saal
Gir gir kar uthna aur aansoo ki dabi boond ko apne ahankar ke neeche punah daba lena
Kaisi hai yeh khudai aur kaisi yeh narazgi - yeh khel khelna aur bandon ko pyade bana lena
Saturday, July 22, 2006
Extremely Fluky
An unholy beginning on a subtle rebuke from a friend -
Now, how do we begin the story or rather a 'would be remarkable' discussion, at the railway station, the airport or the quintessential rustic bus stand. Let us try the three out simultaneously, I am referring to the city of Navvvvabbs - Lucknow. Having run amuck around the school rikshaw for over 7 years in the city and enjoyed the cullinary delight it had to offer I almost feel guilty about this blog :-( Hmm ........ so I went to Mahanagar Boys Inter College, the then highly esteemed Roman Catholic Convent, over the years while the building has added a couple of wings the name has lost its sheen and sanctity as if to keep pace with the changing facet(s) of the city. But you are not supposed to be living here are you?? So lets go back to our station et al and begin there.
Railway Station: A tired Shatabdi jugs to an asthmatic halt and you the unsuspecting soul have the first face off with the abo hava of the city. Somewhere in the cacophony you can hear, "Sala Beh%$£&, teri Ma&^%$^........." your air conditioned relaxed muscles twitch a bit at the sight of people sprawling like furniture on display in Salarjung, and the very familiar, "sahab kuli chahiye" rings in your ear, nothing very comforting, nothing very soothing and then suddenly you notice the board
Airport: You get off the short haul aircraft and are surprised to see the craft parked precariously close to a more than big puddle of water, the uninviting rickety indian arilines bus and its its beetle nut chewing driver are not a pretty sight to behold, being a typical lucknowi you request at least 6 people hithertho behind you in the queue to board the bus and heaving a sigh of relief at the sight of the vehicle brimming to capacity you take the breezy walk to the shed they have the sheer audacity to call airport. Prepaid taxis are almost all vintage ambassadors and in case you are new to the system you are greeted by at least a dozen or more red light cars, though the professionals who use them are a bit more glorified, certain resemblances in charecter to those infesting a famous area in Mumbai do not go entirely unnoticed. Water everywhere especially a feet deep on the circle leading upto the exit road. And then you see the board.
Bus Stand: Its in the famous Kaiserbagh area, I never saw a bagh around though. The busstand's resemblance to a grade three municiplality absolutely out of funds is extremely stark. The staff on a sinusoidal behavorial curve - at times almost a carpet on which you can walk and at others exceptionally rude. The enquiry methodology is indegenous - ask people, for there are no officials. Will not venture into description of buses. Needless to say that on a hot July afternoon, the KBusStand is not excatly the place you would want your poor soul to be kuchipeying around, given the abundance of much necessary filth. But then like a lotus - stands bright and happy, unscathed by generous beetle spits our darling board.
On all the three ocassions the board read - muskuraiye ki aap Lucknow mein hain
One can probably permit himself a split second smile, soon after which the grim reality of what was and what has become soon catches up with you with a remarkable alcrity.
Will write later
Now, how do we begin the story or rather a 'would be remarkable' discussion, at the railway station, the airport or the quintessential rustic bus stand. Let us try the three out simultaneously, I am referring to the city of Navvvvabbs - Lucknow. Having run amuck around the school rikshaw for over 7 years in the city and enjoyed the cullinary delight it had to offer I almost feel guilty about this blog :-( Hmm ........ so I went to Mahanagar Boys Inter College, the then highly esteemed Roman Catholic Convent, over the years while the building has added a couple of wings the name has lost its sheen and sanctity as if to keep pace with the changing facet(s) of the city. But you are not supposed to be living here are you?? So lets go back to our station et al and begin there.
Railway Station: A tired Shatabdi jugs to an asthmatic halt and you the unsuspecting soul have the first face off with the abo hava of the city. Somewhere in the cacophony you can hear, "Sala Beh%$£&, teri Ma&^%$^........." your air conditioned relaxed muscles twitch a bit at the sight of people sprawling like furniture on display in Salarjung, and the very familiar, "sahab kuli chahiye" rings in your ear, nothing very comforting, nothing very soothing and then suddenly you notice the board
Airport: You get off the short haul aircraft and are surprised to see the craft parked precariously close to a more than big puddle of water, the uninviting rickety indian arilines bus and its its beetle nut chewing driver are not a pretty sight to behold, being a typical lucknowi you request at least 6 people hithertho behind you in the queue to board the bus and heaving a sigh of relief at the sight of the vehicle brimming to capacity you take the breezy walk to the shed they have the sheer audacity to call airport. Prepaid taxis are almost all vintage ambassadors and in case you are new to the system you are greeted by at least a dozen or more red light cars, though the professionals who use them are a bit more glorified, certain resemblances in charecter to those infesting a famous area in Mumbai do not go entirely unnoticed. Water everywhere especially a feet deep on the circle leading upto the exit road. And then you see the board.
Bus Stand: Its in the famous Kaiserbagh area, I never saw a bagh around though. The busstand's resemblance to a grade three municiplality absolutely out of funds is extremely stark. The staff on a sinusoidal behavorial curve - at times almost a carpet on which you can walk and at others exceptionally rude. The enquiry methodology is indegenous - ask people, for there are no officials. Will not venture into description of buses. Needless to say that on a hot July afternoon, the KBusStand is not excatly the place you would want your poor soul to be kuchipeying around, given the abundance of much necessary filth. But then like a lotus - stands bright and happy, unscathed by generous beetle spits our darling board.
On all the three ocassions the board read - muskuraiye ki aap Lucknow mein hain
One can probably permit himself a split second smile, soon after which the grim reality of what was and what has become soon catches up with you with a remarkable alcrity.
Will write later
Wednesday, July 19, 2006
Sunday, April 30, 2006
Jeevan Deti Madhushala
Manna Dey's rendering of Pt. Harivansh Rai Bachchan's Madhushala has a method of taking a teatotaller to the proverbial madhushala and beg for those elusive drops. The following couplet forced yours truly to pay homage to the creative brilliance and sheer audacity of the poet given his times and the then dictums of Hindi poetry.
Dard nasha hai is madira ka
Vigat smritiyan saki hain
Peeda mein anand jise ho
Aaye meri madhushala
My two pence (All Disclamiers)-
Shabdon ki madira behti hai
Beeti par hasti roti hai
Gar jeena ho khud par hanskar
Aao meri madhushala
Jwala ko kya bhasm karoge
Antar ko kya shant karoge
Chingari ko surkh karati
Pavan meri madhushala
Hothon par rakhkar ek pyala
Jap le jeevan ki too mala
Yahi dharm hai, yahi karm hai
Kurukshetra yeh madhushala
Yaad agar aa jaye koi
Madira se kuch keh lena
Yahi sakha hai yahi saheli
Dard bantati madhushala
Kehne ko to char deewarein
Kuch botal kuch bheege pyale
Peenewalon se tum poocho
Mandir hai ya madhushala
Aankhon mein jab bhar laati hai
Chalak chalak jab tarsati hai
Us saki ke kayi pujari
Mook badhir yeh madhushala
Prem kaho ya peeda usko
Hriday wahi hai, bhav wahi
Ek bar mein ek ghoont hi
Jeevan deti madhushala
Subscribe to:
Posts (Atom)