Woh chamak nahi woh prem nahi, ankhon ki bichti sej nahi
More aanchal mein rang bhar de, aisa koi rangrej nahi
Aate the roz hi vyapari, shabdon ki bikvali karne
Kahin kriya nahi, ras-svad nahi, shabdon ka khilta mel nahi
Aahutiyan dene aate the, bam bole kehkar gate the
Aise bhi kapalik dekhe jinke shareer par ret nahi
Sanidhya tumhara milta gar, mai bhi shayad kuch likh leta
Ab manthan na ho pata hai, mera vaisa parivesh nahi
Kya tum kavitavli-sanrakshak ka patr ada kar paaoge
Mere haathon se le jaao, ab lagta hai yeh khel nahi
2 comments:
kahan khoye wo bhavbhooti praththviraj ka sa tej nahi
wo angrej gaye, par amanavta kun yahin rahi
ye desh hai mukhi-gaan karta, par khush kunn har bachha nahi
bikwali to karte hain sabhi apni, koi bhavnaon ka dukandar nahi
kahi mann nahi, manavta nahi, kho jayen jismein ye dard wo anchal nahi..
too good......but bordering on the pessimistic to an extent...jab lagne lage ki 'yeh khel nahin' to mano ki pehli sidi par hui! mubarak ho!
Post a Comment