Kahan kahan bhatak rahe hain shoonya chitt raaste
Tujhi ko dhoondh dhoondh ke huye hain past raaste
Too aaj bhi yaqeen hai, too aaj bhi chupa hua
Too aaj bhi dimag mei, hriday mei hai basa hua
Prshansaneeya hai mera tujhe yun dhoondhna guru
Tu woh kapaat hai prabhu jo khul ke na khula hua
Aseem tap kiye huye aadambari bhi dhoondhte
Achoot kehlate huye woh 'dalit' bhi hain poojte
Hai majal ki tere darshan mile kahin kabhi
Aaine ke saamne mai sadaiv tha khada hua
Ghee, doodh, naivedya, naye kahan se dhoondh laaun mai
Tere banaye phool hi tujh par chadhaun mai ?
Yeh khel hai, prem hai, ya rachnatmak lekh hai
Bahut kahaniyan suni, ab kaun sa yeh vesh hai
Prachand agni ki tarah kampit swar mein bol doon
Ya raag malhar mein chaashni sa ghol doon
Ek hi sawal hai, ek hi jaddojahet
Tu kaun hai, tera naam kya, tu kyon hai yun basa hua
Subscribe to:
Post Comments (Atom)
5 comments:
oh..
achanak aadhyatm ki oor..
'TAT TWAM ASI'.....'THAT THOU ART'
AAMEEN
hey! just visited your page for the first time...
really nice compositions!
An eternal question thats bugs the people who dare to think... stumbled upon your blog... real nice compositions... especially hindi ones... Keep thinking...keep creating..keep making others think... :)
Excellent! You have nicely put these questions in your words which people ponder on.
Post a Comment