On a portal called LSD, posted something long-long time ago. An attempt to recollect a bit in my mother tongue –
Saath chalogi mere? Aisi do pagdandiyan jo na dishaheen hain aur na hi unhe aakhiri manzil ka gyan hai, un par chaleinge hum. Saath saath par apne apne raaston par. December ki ek khushnuma subah ki dhoop mein, garm doodh mein ghulti haldi ka rang liye sookhe patte, hamare kadmo ke neeche cheentiyon se aankh michauli khel rahe honge.
Tum taktaki lagaye kabhi aasman to kabhi kshitij mein kuch talashogi, har woh koshish karogi ki meri nazron se apni nazar bacha lo. Hum purane gaane gungunayeinge aur Bharat ek Khoj mein Roshan Seth ke kirdar ko saraheinge, hum tumhari kavita ko jiyeinge aur meri tukbandi ko theek karne ki koshish kareinge, hum darkhton aur paththaron mein aakritiyan talasheinge aur jab achanak ek hi shabd saath saath boleinge to khil khila kar hans utheinge, haan shayad batana bhool gaya - hum baat bhi kareinge, albatta nazarein churate huye. Yeh pagdanadi badi albeli hai, raaste mein tum kanto ke painepan ko samjhoge aur phoolon par machalte bhanwaron par tumhe taras aayega, hume achanak se zor ki hawa chalne par haath pakadne padeinge aur thapedo se bachne ke liye kareeb chalna padega, shayad apne apne raston ko khud b khud kareeb lana padega.
Kabhi doston ke saath jamun ke ped ko zor se hilaya hai ? Hum kuch bachchon ko rah kinare yeh karte dekheinge, ret par girte jamun bator bachche charo taraf bhageinge, kuch hamari taraf aur kuch us nehar ki or. Hum kheton ki med par chaleinge, tum mujhe bataogi ki kahan kya boya hua hai, mai nazarein bachakar tumhe dekhne ki koshish karoonga.
Fir kabhi chaleinge dost, koi sahi kehta hai, mai man lagakar soch bhi nahi sakta, aalasya ghar kar gaya hai nas nas mein…..maalik
10 comments:
I rarely if ever give advice or comment on the subject of writing.....must admit this is enchanting & beautiful.
Yes I did understand most of it even though I am rusty in comprehending "shudh hindi" :)
achha hai..par mazaa nahi aaya..
aap likhte-likhte ek kartikeya-ism ki aur badh rahe hain... usi rupp me har rachna... ek abhivyakti ke nayepan ka abhaav hai..
“December ki ek khushnuma subah ki dhoop mein, garm doodh mein ghulti haldi ka rang liye sookhe patte, hamare kadmo ke neeche cheentiyon se aankh michauli khel rahe honge.”:
Paush ki ek khushnuma subah ki jijivishamayi dhoop mein jab peele rang ke sukhe patton par hamare kadam padenge to ashapurna is bela mein unke jee(d)rn hone ka khayal to na aayega kintu yeh bhi gyat na hoga ki yeh chrmarahat aaane wali sari zindagi ke liye is subah ki dyotak ban jayegi. Jitnee bar sukhe patton par chalne ki aahat kaanon tak pahunchegi utni hi bar is subah ka ehsaas antarman ko phir jhajkor ke rakh dega.
Yadoon ki aisie dharohar rachne chalogi mere saath?
Nazaren jhukaye huye tum patton par parte mere paduka dekhkar muskara rahi ho ya unke beech chitiyon ki aankh micholi se utkanthit ho? Main bhi to tumhare dupatte ke chhor ko hi dekh raha hun; peeli dharti ko jati meri nazar ko behkata tumhara dupaata us chhataa ka ek mohak rangantaran vyakta kar raha hai. Garam doodh mein ghulti haldi ka behta peela, jeevant rang liye hue un patton ki sanjh ko apne yovan mein jaise sehla raha hai. Patton ki sej, jheeni salvaton par pade jhimilate sitaron ki pristbhoomi ban jaise apna peelapan us par var rahi hai.
Or kitne kshan tumhari or dekhne se reh paunga? Rishton ke is swarnim ushakaal ko jeene chalogi mere saath?
what u write u onlu know
seems the lonliness out there has brought out some fine poetry in you...went through your new work,it will be an understatement that i love all of them...
wonderful i simply loved it!!
jitni prashansha ki jaye kam hi hai iss rachna ke liye.
simply superb.
Mr. Misra, its truly b'ful.
I was smiling throughout!
every time i read this post, it fixates a smile...its wonderfully written.. 'December ki ek khushnuma subah ki dhoop mein, garm doodh mein ghulti haldi ka rang liye sookhe patte'- one can almost smell this and feel it.. 'hume achanak se zor ki hawa chalne par haath pakadne padeinge aur thapedo se bachne ke liye kareeb chalna padega, shayad apne apne raston ko khud b khud kareeb lana padega' and 'tum mujhe bataogi ki kahan kya boya hua hai, mai nazarein bachakar tumhe dekhne ki koshish karoonga' - :) splendid!
Post a Comment